» » Yoshlar Ittifoqi “Scorpion” filmiga qancha ajratgandi?

Yoqqan Yoshlar Ittifoqi “Scorpion” filmiga qancha ajratgandi?

Yoshlar Ittifoqi “Scorpion” filmiga qancha ajratgandi?
Nomi:
Yoshlar Ittifoqi “Scorpion” filmiga qancha ajratgandi?
Janri:
  • +20


Yosh kinoijodkorlar uyushmasi a’zosi, “Scorpion” filmi rejissori Muxlisa Azizova kartinaga O‘zbekiston Yoshlar Ittifoqi qancha ajratganini va film budjetini oshkor qildi.


“O‘zbekkino”dan bir so‘m ham olinmagan

Taniqli rejissyor 2018-yilda byudjeti shov-shuvlarga sabab bo‘lgan “Scorpion” filmiga ketgan xarajatlarni oshkor qildi:
“1 mln dollar deb kamaytirib yubordingiz. 5 mln dollar44 mlrd so‘m sarflangan, bu Yoshlar Ittifoqining loyihasi, pullar qayoqqa ketdi, deyishgandi. Men hatto sizga hisobotlarni ko‘rsatishim mumkin. Aynan Yoshlar Ittifoqidan 900 mln so‘m olingan. Loyihaning Davlat byudjetiga umuman aloqasi yo‘q.
“O‘zbekkino” Milliy Agentligidan bir so‘m ham olinmagan. Loyihaga katta masshtab berilishi Mudofaa vazirligi bilan qo‘shma kelishuv imzolanganidan so‘ng boshlandi. Vazirlik vertolyot bo‘ladimi, otishma sahnalarida foydalaniladigan o‘qlar bo‘ladimi, barchasini beg‘araz taqdim etdi.
Loyihada Mudofaa vazirligi, Milliy gvardiya va MTRKning katta hissasi bor. Qo‘shma qarorga ko‘ra, Milliy teleradiokompaniya reklama masalasida katta yordam bergan. Bu o‘ziga xos prodyuserlik usuli bo‘lgan. Bularning barchasi umumiy til topishga bog‘liq.
To‘g‘ri, masalan, umumiy xarajatlarni dollarda hisoblasak, 1 mln dollardan oshishi mumkin,‌ biroq uni 5 mln dollarlik filьm darajasiga ko‘tarishgani ajoyib. Film ortida turgan prodyuserimizga rahmat deyman”.

Dollarlar va so‘mlar


Muxlisa Azizova “Scorpion” filьmi byudjeti 11 mln dollarni tashkil etishini taxmin qilishganini qo‘shimcha qilgan:
“Rossiya kinosanoatida Janik Fayziev degan mashhur prodyuser bor. Prologue-2018 ochilish marosimida “Scorpion”ning ham premьerasi bo‘lgan. Janik Fayziyev Rossiya hisobi bilan olganda ushbu filьm byudjeti 11 mln dollarni tashkil etishini taxmin qilgandi. Professional prodyuserga haqiqiy byudjetni aytganimda shok holatiga tushdi.
So‘mda hisoblaydigan bo‘lsak, film byudjeti 4,5 mlrd so‘mga ham yetmagan”.
Ma’lumot uchun, Muxlisa Azizova 1987-yil 20-dekabrda Toshkent shahrida tug‘ilgan. U “Geolog – o‘limdan kuchli”, filmi g‘oyasi muallifi, “Tinchlik qirg‘og‘i”, “U” va “Scorpion” filmlari rejissoridir.


  • Orqaga